.
Odense: Maalintii sabtida oo ay bishu ahayd 20.09.2025 waxaa ka dhacday barxada dekada magaalada Odense tababaro ciidan oo ay soo qabanqaabiyeen ciidanka shaqada qaranka qeybihiisa kala duwan, sida ciidanka dhulka, ciidanka cirka iyo ciidanka badda.
Ciidanka shaqada qaranka, waxaa ay dadweynihii ka soo qeyb galay u sharxeen qeybaha ciidanka iyo ciidankasta waxa uu qabto. Qofka ka mid noqonaya sharuudaha looga baahan yahay in uu soo buuxiyo, waqtiga, tababarka iyo waxbarashada inta ay soconeyso.
Ciidanka ilaalada magaalada, ayaa halkaas ku soo bandhigay tababar sida loogu dagaalamo magaalada marka ay soo galaan cadow iyo xeeladaha casriga ah oo la adeegsado iyo qaabka guriga loo galo.
Sidoo kale ciidamada badda iyo cirka, ayaa soo bandhigay qalabka iyo teknologiyada cusub ay isticmaalaan sida maraakiibta dagaalka, doonyaha dheereeya iyo diyaaradha dagaalka iyo diyaaradaha duuliyaha lahayn “Drone.”
Ciidamada shaqada qaranka, ayaa goobta tababara ku sameynayeen ku soo bandhigay Eeyo tababaran oo ciidanka ka caawiya marka ay hawlgal sameynayaan.
Sahan Radio
