Odense: Xalay oo ay taariikhdu ahayd 15.03.2025 Xaflad si heer sare ah loo soo qabanqaabiyey oo lagu xusayey sannad-guurada 10-aad Internationan Community Odense, ayaa lagu qabtay magaalada Odense ee dalka Denmark.
Xafladda habeenka caalamiga, waxaa ka soo qeyb-galay xoogsato ama shaqaale ka shaqeeya shirkadaha deenishka oo ka kala yimid wadamada adduunka.
Xafladda waxaa si wadajir u furey Duqa magaalada Odense, Peter Rahbæk Juel (A) iyo ku xigaanka duqa magaalada Odense, Claus Houden (V)
Ku xigeenka duqa magaalada Odense Claus Houden, ayaa sheegay in magaalada Odense ay ku arkeen shaqaale badan oo beesha caalamka oo u soo guuraya magaalada Odense, waana ku faraxsanahay haddii aan nahay madaxda magaalada Odense.
Duqa magaalada Odense Peter Rahbæk Juel, ayaa ugu horeyntii u mahadceliyey dadkii ka soo qeyb-galay xafladda habeenka caalamiga., intaas waxa uu raaciyey in magaalada Odense ay tahay magaalo ka dhexeysa dadka oo dhan, waxaana ku dadaaleynaa in aan sii xoojino magacaas ay beesha caalamka u bixiyeen magaalada Odense oo ah “magaaladii dadka oo dhan u dhaxeysa”.
Magaalada Odense waxaan rabnaa in ay soo jiidato Shaqaalaha, Ardeyda iyo shirkadaha waa weyn ee caalamiga si ay u maalgashadaan magaaladan Odense waana in ay noqoto magaalo ay degaan oo ay waqti ku qaadaan saaxiibada caalamka. ayuu yiri Peter Juel
Duqa magaalada Peter Juel, waxaa uu sheegay in uu ku hamminayo in uu abuuro shirkado gaar ah, shirkadahaas waxay abuurayaan 30.000 oo shaqo marka la gaaro sannadka 2035 sidaas awgeed si aan u gaarno ujeedadeena waxaan rabnaa shaqaale xirfad sare leh sida IT iyo Technology, oo aan dibedda ka keensano.
Xafladda intii ay socoday waxaa lagu bandhigay masraxid goos goos cas ah oo ka sheekeynayey xirfadaha kala duwan ee shaqooyinka.
Xafladda habeenka caalamiga oo ay soo qabanqaabiyeen International Community Odense, waxay ku soo dhammaatay jawi fiican.
Sahan Radio
